افضل عرض انترنت حاليا فى الجزائر سرعة تحميل تصل الى 70 ميغا و رفع 20 ميغا
واش هو عرض Switch؟
عرض Switch هو الاشتراك تاع اوريدو المخصص للاشخاص العاديين ( من غير المؤسسات لي عندهم عروض خاصة)
الاشتراك فيه إلتزام لمدة 12 شهراً
واش هي العروض تاع Switch؟
العرض فيه 3 اشتراكات
اشتراك 1500 دج في الشهر :
50 جيڨا انترنت + 1500 دج رصيد ( 4 دج / 30 ثانية) + 10 دقايق مكالمات دولية
اشتراك 2500 دج في الشهر :
120 جيقا انترنت + 2500 دج رصيد ( 3.5 دج / 30 ثانية) + 30 دقيقة مكالمات دولية
اشتراك 4000 دج للشهر :
انترنت غير محدود ( 300 جيقا + تدفق منخفض بعد استهلاكها) + 4000 دج رصيد ( 3 دج / 30 ثانية) + 50 دقيقة مكالمات دولية
المكالمات نحو اوريدو مجانية في كل العروض
كي تشري العرض راح تخلص الاشتراك الأول تاعك عند الشراء، و الاشتراك الثاني تخلصو بعد 30 يوم من تاريخ حصولك على الرصيد الثاني
واش معناها إلتزام؟
الالتزام في الاشتراكات الشهرية ( لأي متعامل) ،معناها ان الزبون لازم عليه يخلص الفاتورة الشهرية تاعو لمدة معينة
بعد هذه المدة الزبون حر في ايقاف العرض وقت ما يحب بدون ما يستنا 12 شهراً أخرى ( ما توليش شريحة عادية)
اذا شريتها و مشيت بيها أقل من 12 شهر راح توصلك فاتورة الالتزام للشهور المتبقات
واش هي ميزات العرض؟
اول حاجة هي صلاحية الرصيد تاع 60 يوم : الرصيد المتبقي كل شهر يضاف للشهر لي موراه ( الرصيد و الأنترنت)
امكانية التحويل بين الاشتراك كل شهر
اذا كان عندك اشتراك 1500 دج يمكن انك تطلع للاشتراك تاع 2500 أو 4000 دج و تعاود ترجع للاشتراك الأصلي بالصح كاين شرطين
- - أدنى اشتراك تقدر تنزل ليه هو الاشتراك لي شريتو اول مرة
- التحويل مرة في الشهر قبل ما تلحق تاريخ دفع الاشتراك
يمكن التحويل بين الاشتراكين Contrôlé و Ouvert
في الاشتراك الثاني كي يخلاص رصيد المكالمات راح تكمل و الزايد يخرج في الفاتورة
هل يمكن نحول الشريحة إلى Switch؟
اذا عندك شريحة عادية لا. إذا عندك اشتراك قديم نعم
واش حكاية الشريحة الثانية؟
تقدر تشارك الإنترنت لي عندك مع شريحة ثانية ( سعرها 500 دج و سعر الخدمة 500 دج) و نتا لي تحدد شحال تستهلك من انترنت
مثال : عندي اشتراك 2500 دج تاع 120 جيقا ، كي نحب نشارك الإنترنت مع الشريحة الثانية نفليكسي 500 دج و نحدد شحال نمدلها انترنت ( 10 جيقا مثلا)، إذا الشريحة الثانية وصلت حد الاستهلاك نقدر نزيد لها بلا ما نخلص 500 دج أخرى ( مازالني في نفس الشهر)
كيفاش نخلص الاشتراك تاعي؟
تقدر تخلص بجميع الصيغ المتاحة : فليكسي، بطاقات الشحن، بالبطاقة الذهبية
و ماشي لازم تخلص مرة وحدة
مثال : اشتراك 1500 دج ،تقدر كل يومين تفليكسي 100 دج من نهار يوصلك فيه الرصيد الشهري تاعك، أو كل اسبوع 500 دج
المهم قبل ما يوصل الشهر الجاي تكون عمرت 1500 دج